سیکرٹری ایجوکیشن ڈیپارٹمنٹ پنجاب نے پبلک یونیورسٹیوں کے رجسٹراروں ۔ڈی پی آئی و تمام ڈویژنل ڈائریکٹرز اور تعلیمی بورڈوں کے سیکرٹریوں کو چیف سیکرٹری کی میٹنگ کے حوالے سے ہدایت کی ہے کہ اس امر کا خیال رکھا جائے کہ پینشن کیسز کی تیاری میں تاخیر نہ ہونے پائے متذکرہ میٹنگ نو دسمبر دو ہزار اکیس کو چیف سیکرٹری پنجاب کی زیر صدارت اجلاس میں کہا گیا کہ بعض محکمے پینشن کیسز کی تیاری میں تاخیر کرتے ہیں جن سے سرکاری ملازمین مالی دشواریوں کا شکار ہو جاتے ہیں لہذا ان تمام کو یہ تنبیہ کی جائے تاکہ مستقبل میں ایسا نہ ہونے پائے اس ضمن میں درج ذیل باتوں کا خیال رکھا جائے تمام آفیسران و اہلکاروں کے ریٹائرمنٹ نوٹیفیکیشن چھ ماہ قبل کر دئیے جائیں اس بات کو یقینی بنایا جائے کہ ریٹائر ہونے والے درکار تمام کاغذ وقت پر پینشن منظور کرنے کی مجاز اتھارٹی کو فراہم کر دے اگر کسی ملازم کے خلاف کسی قسم کی ابتدائی کھوج یا باقاعدہ انکوائری ہے تو اسے ہر صورت ریٹائرمنٹ کی تاریخ سے قبل مکمل کیا جائے پینشن فارم کے ساتھ منسلک کاغذات اور سروس ریکارڈ کے علاؤہ اور غیر ضروری کاغذات کی فراہمی کی خاطر پینشن کاغذات کو پیش کرنے میں تاخیر ہرگز نہ کی جائے
