امتحان اب دو مراحل میں ہوا کرےگا پہلے مرحلہ جو در حقیقت سکریننگ ٹیسٹ ہوگا میں سو نمبروں کا جنرل نالج جو ایک سو ایم سی کیوز پر مشتمل ہوگا کو پاس کرنے والا امیدوار ہی دوسرے مرحلے میں داخل ہوگا
لاہور ( خصوصی رپورٹ ) پنجاب پبلک سروس کمیشن کے حکام نے فیصلہ کیا ہے کہ اس سال سے پروونشل مینجمنٹ سروس کا امتحان اب دو مراحل میں ہوا کرےگا پہلا مرحلہ درحقیقت سکریننگ مرحلہ ہو گا جو ایک پیپر پر مشتمل ہوگا اس میں سو نمبرز کے سو ایم سی کیوز کے جواب پوچھے جائیں گے اس مرحلے میں کامیاب امیدواران ہی دوسرے مرحلے کا امتحان دے سکیں گے یہ فیصلہ اس بنا پر کیا گیا کہ امیدواران کی تعداد بہت زیادہ ہو جاتی ہے جیسا کہ اس سال صرف 67 پوسٹوں کے لیے اکیس ہزار امیدوار میدان میں آگئے ان میں بہت سے سکریننگ ٹیسٹ فیز ون میں ناکامیاب ہو کر فیز ٹو میں داخل ہی نہیں ہو پائیں گے اور کمیشن کے لیے امتحان کا انعقاد نسبتاً آسان ہو جائے گا اس سال کا مقابلے کے اس امتحان کا پہلا مرحلہ 15 دسمبر کو طے پا چکا ہےاور18 جنوری سے دوسرے مرحلے کا آغاز ہوگا لازمی مضامین کے پیپرز 18 سے 20 جنوری تک ہونگے جبکہ آپشنل پیپرز پچیس جنوری سےتین فروری تک ہونگے امتحانی سنٹر پنجاب کے سات ڈویژنل ہیڈ کوارٹرز پر بنائے جائیں گے