مرحوم کو دل کا دورہ پڑا علامات کی فوری سمجھ نہ آنے پر فسٹ ایڈ میں تاخیر ہوگئی تکلیف زیادہ ہوئی تو ہسپتال لے جایا گیا مگر وہ راستے میں دم توڑ گیا
لاہور ( نمائندہ خصوصی ) گورنمنٹ گریجویٹ کالج برائے خواتین کاہنہ نو لاہور کی ریٹائرڈ پرنسپل اور سابق ممبر سینٹ پنجاب یونیورسٹی پروفیسر انجم نظامی کا جواں سال بیٹا آنا فانا موت کی آغوش میں جا سویا خبر سنتے ہی ماں صدمے سے نڈھال ہوگئیں مرحوم بسلسلہ ملازمت اسلام آباد میں مقیم تھا اور شادی شدہ تھا پرسوں رات سینے پر دباؤ محسوس ہوا تو بیوی اور ہمشیرہ کے ساتھ شیئر کیا اور ساتھ ہی انہیں حوصلہ بھی دیتا ہے کہ بہتر ہو رہا ہے کچھ دیر بعد تکلیف بڑھی تو ایمبولینس بلوائی کہ ہسپتال منتقل کیا جائے مگر وہ راستے میں ہی انتقال کر گیا ڈاکٹروں نے موت کی تصدیق کر دی جب خبر پروفیسر انجم نظامی کو لاہور دی گئی تو وہ بے حال ہو گیں میت لاہور لائی گئی اور کل بعد دوپہر نماز جنازہ کے بعد ڈی ایچ اے کے قبرستان میں سپرد خاک کر دیا گیا اتحاد اساتذہ کے رہنماؤں و کارکنان نے اللہ تعالیٰ سے مرحوم کی مغفرت اور بلندی درجات کے لیے دعا کی ہے اور پروفیسر انجم نظامی کے لیے دعا کی ہے کہ اللہ تعالیٰ ان کو یہ بھاری صدمہ برداشت کرنے کی ہمت عطا فرمائے