اضافی چارج بار بار بدلنے کی بجائے سرچ کمیٹی کے ذریعے مستقل بنیادوں پر بھرتیاں کی جائیں
گوجرانولہ ( نمائندہ خصوصی ) بورڈ آف انٹرمیڈیٹ اینڈ سیکنڈری ایجوکیشن گوجرانولہ میں سیکرٹری اور کنٹرولر کے اضافی چارج تبدیل کر دئیے گئے ہیں پروفیسر رشید احمد بھٹی کو سیکرٹری اور اختشام جان بٹ کو کنٹرولر کے اضافی چارج کی ذمہ داریاں سونپی گیں ہیں اس سے قبل پروفیسر گوہر الطاف جو مولانہ ظفر علی خان کالج وزیر آباد میں شماریات کے اسسٹنٹ پروفیسر کے طور پر کام کر رہے ہیں گزشتہ برس اس عہدے کا اضافی چارج دیا گیا تھا ان سے اضافی چارج واپس لیکر گورنمنٹ جناح اسلامیہ کالج سیالکوٹ کے اسسٹنٹ پروفیسر اکنامکس رشید احمد بھٹی کے سپرد کر دیا گیا ہے کنٹرولر امتحانات کا اضافی چارج محمد نعیم بٹ اسسٹنٹ پروفیسر گورنمنٹ گریجویٹ کالج سیٹلائٹ ٹاؤن کے پاس تھا ان سے چارج واپس لیکر اختشام جان بٹ جو ڈی پی آئی آفیس میں بطور ڈائریکٹر (جنرل) کے عہدے پر کام کر رہے ہیں ان کے سپرد کر دیا گیا اساتذہ برادری کے حلقوں میں یہ بات بڑی شدت سے محسوس کی جا رہی ہے کہ اضافی چارج لینے کے لیے سیاسی جوڑ توڑ اور انتظامی عہدے داران سے رسائی کی اس دوڑ کو ختم ہونا چاہیے اور خالی پوسٹوں کو مشتہر کر کے ان پر میرٹ پر مستقل تقرریاں کی جانا چاہیے
