یو ای ٹی لاہور کے بعد ڈائویونیورسٹی آف ہیلتھ سائنسز کراچی کےبھی مالی مشکلات میں شکار ہونے کی خبریں سامنے آگئیں۔جیو نیوز کے مطابق یونیورسٹی میں ڈاکٹرز،پروفیسرز اور دیگر ملازمین کو تنخواہیں 50 فیصد کٹوتی کے بعد ادا کی گئیں۔تنخواہوں کی ادائیگی بھی 7 دن کی تاخیر سے کی گئی۔یاد رہے کہ کرونا وبا کے دور میں یہ ڈاکٹرز اور پروفیسرز فرنٹ لائن پر لڑ رہے ہیں۔تنخواہوں میں کٹوتی کی خبریں منظر عام پر آنے کے بعد سندھ حکومت کے ترجمان مرتضی وہاب نے ٹویٹ کے ذریعے وضاحت کی کہ سندھ حکومت اپنی جیب سے تنخواہیں ادا کرے گی اور ملازمین کی تنخواہوں میں کٹوتی نہیں ہونے دے گی۔گورنر پنجاب اور حکومت کی جانب سے نوٹس لینے کے بعد یو ای ٹی لاہور کے ملازمین کی کٹوتی کی ہوئی تنخواہ بھی ادا کردی گئی ہے۔
ڈائو یونیورسٹی کراچی میں بھی تنخواہوں سے بھاری کٹوتیاں
