گزشتہ دنوں سر زمین ڈیرہ غازی خان کے تین نامور پروفیسر خاک میں دفن ہوگئے ان سب کا تعلق اتحاد اساتذہ سے تھا ڈویژن ڈیرہ غازی خان کی فضا ان کے جانے سے افسردہ سی ہو کے رہ گئی کچھ دوستوں نے یہ فیصلہ کیا کہ ایک تعزیتی ریفرنس کا انعقاد کیا جائے اس میں ان کی زندگی کے مختلف پہلوؤں پر بات کی جائے ان کی جد و جہد جو انہوں نے اساتذہ برادری کے حقوق کی خاطر کی انہیں الفاظ میں دھریا جائے ان کی قربانیوں کی داستانوں کو آئندہ نسلوں کے نوجوانوں تک پہنچائی جائے ان کی زندگی کو مشعل راہ بنا کر اپنی زندگیوں کو اس کے مطابق ڈھالنے کا عہد کیا جائے ایسا کرنے کے لیے 30 ستمبر دو ہزار اکیس کے دن کا چناؤ کیا گیا ان عظیم ہستیوں میں پروفیسر محمد انور ،پروفیسر شاہد فاروق اور پروفیسر فیاض ترین مرحوم شامل ہیں گورنمنٹ کالج بلاک نمبر 17 ڈیرہ غازی خان کے وسیع و عریض ہال میں اس تعزیتی تقریب کو منعقد کیا گیا مقررین پروفیسر کلیم اللہ خان لغاری ۔پروفیسر ڈاکٹر امین الدین پروفیسر طارق بزدار ،پروفیسر صادق جانی اور اشفاق قیصرانی نے اپنے اپنے انداز میں مرحومین کی خدمات کو سراہا ان کی شحصیت کی مختلف جہتوں سے پردہ اٹھایا ان سے ذاتی تعلق اور ان کی اعلی خصوصیات پر بات کی اور انہیں اساتذہ برداری کی جانب سے خراج عقیدت پیش کیا آخر میں ان کی مغفرت کے لیے اجتماعی دعا بھی کی گئی شرکا میں اساتذہ کی ایک بڑی تعداد کے علاؤہ طالب علموں کی کثیر تعداد ،عمائدین شہر اور مرحومین کے عزیز و اقارب شامل ہوئے
