HED News Latest News

نصاب سازی صوبوں کا حق،سندھ نے وفاق کا نصاب نافذ کرنے سے انکار کردیا

کراچی(نیٹ نیوز)سندھ حکومت نے وفاق کی جانب سے تیار کردہ نصاب اپنے صوبے میں نافذ کرنے سے انکار کردیا ہے۔وفاق پورے پاکستان میں یکساں نصاب نافذ کروانا چاہتا ہے۔سندھ کے محکمہ ایجوکیشن کے اجلاس میں وزیر تعلیم سعید غنی نے بتایا کہ انہیں وفاق کی جانب سے نصاب کا خاکہ موصول ہوا ہے۔سندھ میں چھٹی سے آٹھویں جماعت تک معاشرتی علوم کا مضمون پڑھایا جاتا ہے جب کہ وفاق کے نصاب میں یہ مضمون شامل نہیں ہے۔اجلاس کی صدارت وزیراعلی سندھ مراد علی شاہ نے کی۔بریفنگ لینے کے بعد مراد علی شاہ نے رائے ظاہر کی کہ وفاق کے یکساں نصاب سے سندھ کا تعلیمی نصاب بہتر ہے۔سندھ اپنا نصاب ہی نافذ کرے گا۔ نصاب سازی صوبائی معاملہ ہے۔انہوں نے وزیر تعلیم سعید غنی کو ہدایت جاری کی کہ وفاقی اور سندھ کے نصاب کے موازنے کے حوالے ایک رپورٹ تیار کرکے جلد ان کو بھجوائی جائے۔

Related posts

پی  ایس بی ٹو مکمل ہوگئی خواتین اسسٹنٹ پروفیسرز کے تمام مکمل کیسز کلیر ہوگئے

Ittehad

پندرہ پبلک یونیورسٹیوں کے گریڈ انئیس تک کے ملازمین کو سپیشل الاونس مل گیا۔جی سی یو لاہور شامل نہیں

Ittehad

مرے کالج کے تین پروفیسرز کے ٹرانسفر آرڈرز کے خلاف حکم امتناعی

Ittehad

Leave a Comment