سابق صدر تنظیم اساتذہ پاکستان پروفیسر رشید احمد انگوی انتقال کر گئے

تنظیم اساتذہ پاکستان کے سابق مرکزی صدر پروفیسر رشید احمد انگوی آج دوپہر انتقال کر گئے ان کی عمر تقریباً 75 برس تھی ان کا تعلق  انگہ ضلع خوشاب سے تھا مشہور ملک گیر شہرت کے حامل شاعر احمد ندیم قاسمی کا تعلق بھی اسی گاؤں انگہ سے تھا گورنمنٹ کالج لاہور سے ایم ایس سی زوالوجی کرنے کے بعد بطور لیکچرار زوالوجی خواجہ فرید کالج رحیم یار خان میں جوائن کیا وہاں وہ ایک لمبا عرصہ رہے اس دوران انہوں نے تنظیم اساتذہ کی پورے ملک میں تنظیم سازی کی ساتھ ساتھ سٹوڈنٹس کی تنظیم جمعیت کی بھی آبیاری کی اور اس زمانے میں رحیم یار خان کو منصورہ ثانی کہا جاتا تھا بعد ازاں ٹرانسفر کروا کے لاہور چلے آئے اور درس و تدریس کا سلسلہ گورنمنٹ کالج ٹاؤن شپ میں بڑھایا پروفیسر کے عہدے پر ترقی پائی اور دو ہزار چھ میں مدت ملازمت مکمل کر کے ریٹائر ہو گئے بعد ازاں انہیں طلبہ میں فکر مودودی پیدا کرنے کے لیے منصورہ کالج لاہور میں پرنسپل تعینات کر دیا گیا جہاں ایک عرصہ تک انہوں نے خدمات سر انجام دیں بطور انسان وہ نرم خو ،خوش گفتار اور ملنسار تھے اللہ ان کی مغفرت فرمائے