College News Latest News

گورنمنٹ کالج آف سائنس ملتان کی زمین پر قبضے کی کوشش کے خلاف قراداد مذمت

پی پی ایل اے اور اتحاد اساتذہ کی قیادت کا سائنس کالج کے اساتذہ سے اظہار یک جہتی،اداروں کےتحفظ کا عزم

ملتان(نامہ نگار) مقامی سیاسی شخصیات کی جانب سے گورنمنٹ کالج آف سائنس کے احاطے میں سڑک بنوانے کی کوششوں کی کالج کے جملہ سٹاف نے مذمتی قرارداد منظور کی ہے اورکہا ہے کہہم کسی صورت کالج کے ایک انچ پر بھی قبضے کی کوشش کامیاب نہیں ہونے دیں گے۔قرار داد کے مطابق رائو مظہرالاسلام سابق چئیرمین یونین کونسل نے وزیر اعلی پنجاب عثمان بزدار کو ایک سڑک کے لئے درخواست دی ہے جسے کالج کی شمالی دیوار کے ساتھ گزارنے کا کہا گیا ہے۔اساتذہ نے وزیر اعلی سے اس قسم کی درخواستوں پر غور نہ کرنے کی اپیل کی ہے۔پی پی ایل اے کے مرکزی صدر ملک محمد رمضان گرو،اتحاد اساتذہ کے نامزد امیدوار برائے صدر ملتان ڈویژن، نامزد امیدوار برائے مرکزی جوائنٹ سیکرٹری کے امیدوار ملک ارشاد نے بھی اس معاملے پر اساتذہ کا بھرپور ساتھ دینے کا اعادہ کیا ہے اور کہا ہے کہ اگر کالج کی زمین کو چھیڑا گیا تو ملتان بھر کے کالج اساتذہ خاموش نہیں بیٹھیں گے۔دوسری جانب اتحاد اساتذہ کے نامزد صدارتی امیدوار چوہدری غلام مصطفی اور نامزد جنرل سیکرٹری صاحبزادہ احمد ندیم نے بھی مقامی سیاست دانوں کی ان کوششوں کی شدید مذمت کی ہے اور کہا ہے کہ وہ اپنے اساتذہ اور اداروں کے تحفظ کے لئے کوئی قدم اٹھانے سے گریز نہیں کریں گے۔

https://www.ia.com.pk/wp-content/uploads/2017/11/resolution-of-condemnation.jpg

Related posts

پنجاب یونیورسٹی سنڈیکیٹ انتخابات میں پروفیشنلز کونسل اور ٹیچرز فرنٹ کی جیت

Ittehad

خیبر پختونخواہ کا محکمہ ایجوکیشن نیب کی زد میں

Ittehad

لیہ۔اساتذہ احتجاج کا چوتھا روز ۔۔نام نہاد طالب علم کے خلاف پرچہ درج۔دوسرے کالجوں میں بھی مظاہرے

Ittehad

Leave a Comment