HED News Latest News

فائونڈیشن یونیورسٹی راولپنڈی کا روایتی طریقے سے امتحان لینے کا اعلان

سٹوڈنٹس پریشان،ایچ ای سی اور حکومت سے مداخلت کا مطالبہ

فائونڈیشن یونیورسٹی راولپنڈی کیمپس نے روایتی طریقے سے امتحان لینے کا اعلان کردیا ہے جس سے طلباء و طالبات میں بے چینی پھیل گئی ہے۔وہ وبا کے دوران امتحانی مرکز میں بیٹھنے کے تصور سے پریشان ہیں۔ان کا کہنا ہے کہ کئی سٹوڈنٹس اور اساتذہ کرونا پازیٹو ہیں۔ایک طالب علم نے نام ظاہر نہ کرنے کی شرط پر کہا کہ جب ہمیں پڑھایا آن لائن گیا ہے تو امتحان کیمپس میں کیوں لیا جارہا ہے۔ایک طالب علم کا کہنا تھا کہ آن لائن بھی مناسب انداز میں نہیں پڑھایا گیا۔لیکچر کے دوران سوال کرنے کی اجازت نہیں ہوتی تھی کیونکہ لیکچرز لائیو ہونے کی بجائے ریکارڈڈ ہوتے تھے۔ایک طالب علم کے دوست نے کہا کہ میرے دوست کی ٹیچر کلاس میں ہمیشہ تاخیر سے آتی تھیں۔جب ان کی شکائت کی گئی تو پوری کلاس کی ان کی جانب سے سرزنش ہوئی۔سٹوڈنٹس کا کہنا تھا کہ جب لیکچرز ہی مناسب انداز میں نہیں دئیے گئے تو اب کیمپس میں بلا کر روایتی امتحان لینا ناقابل قبول ہے۔سٹوڈنٹس نے اس حوالے سے ایچ ای سی اور حکومت سے مداخلت کا مطالبہ کیا ہے۔

Related posts

ٹوبہ ٹیک سنگھ ۔۔مرزا محمد عاصم بھری جوانی میں اللہ کی رحمت میں چلے گئے

Ittehad

خاک پہ بیٹھے ہیں گردوں کو سجانے والے

Ittehad

ٹریننگ بیج ٹو کے لیے ہدایت اور میٹنگ جوائن کرنے کا طریقہ کار

Ittehad

Leave a Comment