اتحاد اساتذہ کے رہنما اور دیرینہ ساتھی اردو ادب کے نامور استاد پروفیسر غلام نبی آج صبح گیارہ بجے انتقال کرگئے ان کی عمر اٹھاون برس تھی اور اب وہ بطور ایسوسی ایٹ پروفیسر گورنمنٹ ایمرسن کالج ملتان کام کر رہے تھے مرحوم پروفیسر غلام نبی ایک عرصہ سے جگر کے سرطان میں مبتلا تھے جس کا علم بہت محدود دوستوں کو تھا پھر دل کا عارضہ بھی لاحق ہوگیا اور آج موت کا سبب بن گیا مرحوم نہایت حلیم طبع ۔مرنجاں مرنج اور خوش اخلاق شخصیت تھے ان کی روشن خیالی اتحاد اساتذہ سے وابستگی کا سبب بن گئی وہ آغاز ملازمت سے ہی اتحاد اساتذہ سے وابستہ ہوگئے اور آخر تک رہے انہوں نے تدریسی سفرکا آغاز خانیوال سے کیا پھر اپنے سکونتی ضلع ملتان آگئے کچھ عرصہ ولائت حسین اسلامیہ کالج ملتان فرائض سر انجام دینے کے بعد گورنمنٹ کالج سول لائنز ملتان آگئے تین سال قبل گورنمنٹ ایمرسن کالج ملتان جوائن کیا وہ نہ صرف ایک اچھے استاد تھے ایک با صلاحیت منتطم تقریبات تھے چنانچہ بہت جلد اساتذہ اور طالب علموں میں مقبول ہوگئے مرحوم کی موت کا جس نے بھی سنا آبدیدہ ہو گیامرحوم نے بیوہ ،دو بیٹیوں،ایک بیٹےکے علاؤہ سیکٹروں طالب علموں اور اتحاد اساتذہ کے ساتھیوں کو سوگوار چھوڑ ا ہے
