HED News Latest News

لمس:ٹیکس میں چھوٹ،فیسوں میں اضافہ

لاہور(ویب نیوز)خبروں کی ایک معتبر ویب سائٹ کے مطابق حکومت نے بجٹ 21- 2020میں لاہور کے مہنگے ترین تعلیمی ادارے لمس(لاہور یونیورسٹی آف مینجمنٹ سائنسز)کو مختلف ٹیکسز کی مد میں سو فیصد چھوٹ دی ہے۔2001 کے ٹیکس قوانین کے مطابق یہ رعایت محدود مدت کے لئے صرف ان اداروں کو حاصل ہے جو غیر منافع بخش بنیادوں پر کام کرتے ہیں۔ علاوہ ازیں خود کو غیر منافع بخش ثابت کرنے کے لئے لمس کو ضروری دستاویزات جمع کروانے سے بھی استثنا دے دیا گیا ہے۔یاد رہے کہ لمس فیسوں کے لحاظ سے لاہور کا مہنگا ترین ادارہ ہے۔اس حوالے سے شکوک میں اضافہ اس وقت ہوا جب مشیر خزانہ حفیظ شیخ پوسٹ بجٹ پرہس کانفرنس میں لمس کو ٹیکس چھوٹ کا سوال گول کرگئے اور کوئی جواب نہیں دیا۔یہ بات بھی قابل غورہے کہ لمس نے حال ہی میں سمسٹر فیسوں میں 41 فیصد اضافہ کیا ہے۔یہ افواہیں عام ہو رہی ہیں کہ وزیراعظم کے مشیر رزاق دائود نے لمس کو رعایات دلوانے میں اہم کردار ادا کیا۔وہ لمس کے پرو وائس چانسلر جیسے اہم عہدے پر فائز ہیں۔لوگ سوال اٹھا رہے ہیں کہ ایک جانب تو حکومت فنانس کی کمی کا رونا رو رہی ہے لیکن دوسری جانب سرمایہ داروں کو حیلوں بہانوں سے ملکی خزانے کو نقصان پہنچا کر اربوں کا فائدہ پہنچایا جارہا ہے۔

Related posts

فپواسا پنجاب کی کال پر 25 اگست کو صوبہ بھر کی جامعات سپیشل الاونس کے لیے احتجاج کریں گی

Ittehad

کلرکوں کا ڈائریکٹر کالجز راولپنڈی پر حملہ ۔مار پیٹ ۔ تھانے میں مقدمہ درج

Ittehad

پیپلا اور اتحاد اساتذہ کے عہدے داروں کی اپنے کولیگز کو کرسمس کی مبارک باد

Ittehad

Leave a Comment