محکمہ سکول ایجوکیشن کی ویب سائٹ ہیک ہونے پرکالج اساتذہ میں بھی تشویش

لاہور(خصوصی رپورٹ)اس خبر کے نیوز چینلز پر نشر ہونے کے بعد کہ محکمہ سکول ایجوکیشن پنجاب کی ویب سائٹ ہیک کر لی گئی ہے اور ساڑھے چار لاکھ سکول اساتذہ اور ڈیڑھ کروڑ طالب علموں کا پروفائل اور پرائیویٹ ریکارڈ چوری ہو چکا ہے۔کالج اساتذہ میں خوف وتشویش کی لہر دوڑ گئی ہے۔کیونکہ انہی دنوں ان سے بھی ڈیٹا طلب کیا جارہا ہے اور 26 تاریح کی ڈیڈ لائن مقرر کی گئی ہے۔ اب کالج اساتذہ شش وپنج میں ہیں اورایک دوسرے سے صلاح مشورے کر رہے ہیں کہ وہ یہ معلومات فراہم کریں یا نہیں۔اتحاد اساتذہ نے حکام سے کہا ہے کہ اس صورتحال کا فوری نوٹس لے کرحل نکالا جائے اور اساتذہ کا اعتماد بحال کیا جائے۔